Boris Johnsonip naalakkersuisoqatigiit ajornartoortut qimaannarumanngikkai
Johnson tatiginneerukkiartoraluarluni tassa tunuarumanngittuarsinnarpoq.
Naalakkersuisoqatigiit ajornartoortut qimaannarumanagit akiuunniarluni Boris Johnsonip nammineq oqaatigaa.
Ministeriuneq ilungersunartorsiortoq tuluit inatsisartuini apeqqarissaarfigineqarnermi taama oqarpoq.
- Naalakkersuisoqatigiit ataannarsinnaajunnaarnerat misigigukku taava tunuarumaarpunga, taanna oqarpoq.
Konservatiivit sinnerlugit inatsisartunut ilaasortat arlallit Boris Johnson tatigiunnaarlugu aamma tunuarput.
Johnsonip naalakkersuisoqatai mamianartulianik qaammatini kingullerni nalaanneqarsimapput.
AAMMA ATUARUK Boris Johnsons regering i krise
Inatsisartunut ilaasortap, kinguaassiuutitigut innimiilliorsimasutut paasineqartup inatsisartuni ilaasortatut tunuarneranik kinguneqarpoq. Johnson suliamut atatillugu nassuiaatini arlaleriarluni allanngortittarsimavai.
Aningaasaqarnermut ministerip Rishi Sunakip, peqqissutsimullu ministerip Sajid Javidip miinisteritut tunuarnerannik tamanna kinguneqarpoq.
Coronavirusip tuniluutileruttornerata nalaani inuiaqatigiinni matoqqatitsisoqarnerata nalaani ministeriunerup najugaani katerittoqartarsimanera aamma mamianartuliaavoq.
Tassa Boris Johnsonip ministeriunertut 10 Downing Streetimi najugaqarfiani 2020-mi katerittoqartarsimanera paasineqarnikuuvoq.
Pisimasup inatsisartunit suli misissuiffigineqartussaavoq.