Borgmesteri: Akit appassanngillat

Kommunimi meeqqerivinniituutitaqarnermi akiliutit ukiormanna appartinneqarnissaat Kommune Kujalliup taamaatiinnarpaa. Kujataani meeqqerivinniittuutitaqartut aningaasartuutaannik ukiormanna ikilisaaniarnermut ajoqutaasut tassaapput; oquk aamma aputaajaanermut aningaasartuuterpassuit.
Allattoq Elisa Isaksen
marsip 29-at 2012 06:22

Kommunip akiliutinik appartitsinissaa anguniarneqaraluarpoq, taamaalilluni kommunini allani akigititanut naleqqersuussinnaaniassammat. Aningaarsartuutigineqartussalli, siumut pilersaarutigineqariinngitsut, pissutigalugit akinik ukiormanna appartitsisoqarsinnaajunnaartoq borgmester Simon Simonsen oqarpoq.

Kommunalbestyrelse immikkut ittumik ippassaq ataatsimiimmat taama aalajangiisoqarpoq, matumani aningaasartuutissat pilersaarutigineqariinngitsunut atorneqartussat pissutaanerupput, soorlu Narsami Alluitsup Paanilu atuarfiit, aamma Qaqortumi meeqqeriviup Angajop oqoqarnerisa iliuuseqarfigineqarnissaannut, aamma kommunimi aputaajaanermut ukiormanna aningaasartuutit katillugit 4,6 millionit koruuniummata.

Meeqqerivinnut akiliutit appartissinnaanissaannut maanna periarfissaarummat, Simon Simonsenip ajuusaarutigaa.

Akiliutit 2013-imi appartinneqassasut, kommunalbestyrelsimi ilaasortat anguniarniarpaat, taamaalilluni akiliutit kommuninit allanit qaffasinnerunnginnissaat anguneqarsinnaaniassammat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq