Bolsonarop peqqissutsimut ministeri coronap ajornartorsiutitsinerani soraarsikkaa

Brasiliap præsidentiata Jair Bolsonarop peqqissutsimut ministeri Luiz Henrique Mandetta soraarsippaa.

Ministeri soraarsitaasoq Twitterikkut sisamanngornermi nammineq taama allappoq.

Coronavirusip nunami tassani tuniluunnerata akiorniarneqarnissaanut atatillugu præsidentip ministerillu akornanni piffissami sivisuumi isumaqatigiinngittoqareersorlu ministeri soraarsitaavoq.

AAMMA ATUARUK OL-ertoqarneranik aaqqissuussisuusimasoq: Tokyomi OL-ertoqarnissaa kinguartinneqarli

Coronavirusip tuniluutilinnginnissaa pillugu inuit imminnut qanillattunnginnissaat, assigiinngitsutigullu iliuuseqartoqartariaqarnera Mandettap oqaatigisarsimavaa.

Iliuusissalli tamakku pisariaqartinneqanngitsut Bolsonarop akerlianik oqaatigiuartarsimavaa, Brasiliap aningaasarsiornerata ajornartoorfiulernissaa allaat ernummatigalugu.

Coronavirus aarlerinanngitsuusoq, nualluutaannaasorlu nalinginnaasoq Bolsonarop siusinnerusukkut oqaatigisimavaa, coronavirusillu tuniluutileruttornerata nalaani tapersersuisumik katersuutsitsisarsimalluni.