Boliviami nunap inoqqaavisa pisinnaatitaaffii inatsisitigut illersugaapput

Maria Estella Vargas Nunatsinni ulluni makkunani tikeraartoq, Boliviap Kalaallit Nunaatalu Kulturikkut paarlaasseqatigiillutik naapisimaarneranni.

Kalaallit boliviamiullu imminnut assigiissuseqarput, boliviamiut assigiinngitsunik 34-nik oqaaseqarput, kalaallit aamma namminneq oqaaseqarput, Maria Estella Vargas oqarpoq, Boliviami kulturip oqaatsillu eriagineqarnissaat sulissutigineqarpoq, tamannalu kalaallinut aamma assingulluni.

Boliviamiut præsidentiat Juan Evo Morales Ayma nunap inoqqaajuvoq, taassuma pingaartippaa nunap inoqqaavisa qanimut suleqatiginissaat, Vargas oqarpoq. Boliviami nunap inoqqaavisa kattuffii peqatigiiffiilu qanimut suleqatigineqarput, aalajangiisoqassatillugu suliniaqatigiiffiit isumasiorneqartarlutik taamaliillutik Boliviami nunap inoqqaavi pisinnaatitaaffimminnik annertuumik periarfissinneqarlutik,

Boliviami kulturministerip tullersortaa Maria Estella Vargas oqarpoq. Kalaallillu kulturikkut paarlaasseqatigiillutik naapeqatigiinnerat Sisimiuni Kulturikkut illorsuami Taseralimmi Nuummilu Kulturikkut illorsuarmi Katuami ingerlanneqarput aliikkusersuisoqarluni. Nunap inoqqaavisa pisinnaatitaafii pillugit Nuummi Ilimmarfimmi ullumi isumasioqatigiittoqarpoq.