Blok 17-imi toqutsineq pillugu eqqartuussineq aqagu inerneqassaaq
Angutit pingasut 17-it 20-llu akornanni ukiullit suliami unnerluutigineqarput. Ataaseq toqutsimasutut, marlullu toqutsineq sioqqullugu persuttaasimasutut unnerluutigineqarput.
Sermersuup Eqqartuussiveqarfiata toqutsinermik suliaq kisiat inerniliiffigissanngilaat.
Toqutsisimasutut toqutsinerlu sioqqllugu persuttaasimasutut unnerluussutip saniatigut, pinerlunnerit katillugit 28-t toqutsinermut attuumassuteqanngitsut aamma inerniliiffigineqartussaassapput.
Tamatumani ilaatigut pineqarput ujajaaneq, tillinniarneq persuttaanerlu. Pinerluttuliornerit ilaat angutit toqutsisimasutut unnerluutigineqarlutik tigummigallagaanerisa nalaani pisimapput.
Eqqartuussutip nalunaarutigineqarnera Nuummi Sermersuup Eqqartuussiveqarfiani nal. 09.15 aallartittussatut naatsorsuutigineqarpoq.
