Biskopinngortitsinissaq killiligaanngitsumik kinguartinneqartoq
Biskopip Sofie Petersenip taartissaa novembarip 22-ani biskopinngortinneqartussaagaluarpoq.
Corona peqqutigalugu biskopinngortitsinissaq
kinguartinneqarpoq.
Allattoq Jens Betak, Marie Kûitse Kristensen
oktobarip 05-at 2020 14:10
Nuummi Hans Egedep oqaluffiani novembarip ulluisa 22-anni ukiut 25-t matuma siornali aatsaat biskopinngortitsisoqaqqittussaagaluarpoq.
Tamanna pisarnermisut nalliuttorsiutigineqarsinnaannginnami kinguartinneqarpoq
Nalinginnaasumik biskopinngortitsisoqaraangat uku peqataasaraluarput, Dronning Magrethe, ilageeqarnermut Naalakkersuisoq, nunat avannarliit biskopii, biskopeqarfiullu palasii. Taamaaliornissarli corona peqqutigalugu taamaatiinnarneqarpoq.
Katersuussinnaanermut tunngatillugu maleruaqqusat maannakkut atuuttut aallaavigalugit, kommuneqarfimmi allamiittut Kommuneqarfik Sermersuumi biskopinngortitsinermut aggersarneqarsinnaanngillat.