Biskoppi : Marsip 31-ata tungaanut oqaluffinni naalagiartitsinerit unitsinneqarput
Kalaallit Nunaanni naalagiartitsinerit tamarmik marsip 31-ata tungaanut taamaatinneqarput nualluutip coronavirusip siaruaannissaa pinaveersaartinniarlugu.
Kalaallit Nunaata biskoppiata Sofie Petersenip tamanna nalunaarutigaa.
Kuisitsinerit, katitsitsinerit, ilisinerillu oqaluffinni pisinnaapput.
Taamaattorli ilaqutaasut qaniginerpaasallu kisimik naalagiarnermi najuuttassusut, biskoppip tusagassiuutinut nalunaarummi erseqqissaatigaa.
Naalagiarnerit KNR radiomi sapaatikkut aallakaatinneqartassapput.
Naalagiarnerit immiuteriikkat aallakaatinneqartassasut, biskop Sofie Petersen taama allappoq.
Biskopip palaseqarfinnut nalunaarutimini erseqqissaatigaa, naalagiartoqarnerani oqaluffik ulikkaaqqassanngitsoq immaqaluunniit affaannaa inoqarsinnaasoq.
Imaluunniit kuisitsinerit katitstsiinerillu kinguartinneqarsinnaaput.
Aaqqissuussinerit allat soorlu tusarnaartitsinerit aamma taamaatinneqassapput.
Atuarfinni atuartitsinerit unitsinneqarpata, apersortittussanik atuartitsinerit aamma unitsineqassasut biskop Sofie Petersen palaseqarfinnut tamanut taama allappoq.