Birna Brjánsdóttir tallimanngorpat ilisaassaaq
Birna Brjánsdóttir Reykjavikip oqaluffianit tallimanngorpat ilisaassaaq. Islandimi nutaarsiassaqartitsivik Iceland Monitor taama allaaserisaqarpoq.
Allattoq Kenneth Elkjær
januaarip 30-at 2017 15:07
Oqaluffiup Hallgrímskirkjap napasuliartaa 74 meterisut portutigaaq Reykjavikillu ilisarnaataatut aamma ilisimaneqarluni. Birna Brjánsdóttirilu tassanngaanniit tallimanngorpat ilisaassaaq.
Ilaqutaasut naasunut kransinullu ilisaaneranut atasumik qujaannarsimapput, annaassiniartartunullu Landsbjörgimut, Birna Brjánsdóttirip ujaarineqarneranut ikiuulluarsimasunut, aningaasaliisoqarsinnaanissaa akerlianik kissaatigisimallugu. Iceland Monitor taama allaaserisaqarpoq.
AAMMA ATUARUK Birnamut tunngasut
Birna Brjánsdóttir Reykjavikimi pisuinnaat aqqutanni Laugavegurimi arfininngornermi januaarip ulluisa 14-ianni ullaakkut pisuttoq kingullermik takuneqarpoq kingornalu periarfeerunneqarluni. Toqungasoq Reykjavikimit ungasinngitsumi ullut arfineq-pingasut qaangiummata nassaarineqarpoq. Inuit 700-t pallillugit Birna Brjánsdóttirip ujaarineqarneranut peqataapput.
