Saarullittassiinerup saarullinniartarneq aarlerinartorsiortissinnaagaa
![](/sites/default/files/styles/image_934x467/public/article_images/img_4577.jpg?itok=WhKaQRto)
Biologit ilaasa nassuiarpaa tamanna aalisarnermut kinguneqarnerlorujussuarsinnaasoq, piffissallu ilaani saarulleerutivilluni.
- Aalisarpallaaraanni sinerissap qanittuani suffisartut nungusarneqalissasut, Helle Siegstad oqarpoq. Taanna biologiuvoq Pinngortitaleriffimmilu aalisakkanut qalerualinnullu immikkoortumi pisortaalluni.
Oqaluttuarpoq saarulleqatigiit kangerlunniittut assigiinngitsut marluusut:
- Kangerlunni saarulleqarpoq suffisartunik aammalu avataaneersunik.
Aalisarnermut naalakkersuisoq Hans Enoksen siornatigut oqarnikuuvoq aalisartut tusaaniarumallugit saarulliillu ikiliartulernissaat aarleqqutiginagu - ima nipilimmik biologit Pinngortitaleriffimmiittut kukkusumik innersuussisarnerarlugit.
AAMMA ATUARUK For høje kvoter kan svække fiskeriet
Tamatumunnga Helle Siegstad nassuiaavoq Pinngortitaleriffimmiit kangerluit Nuummi Sisimiunilu misissuiffigisimagitik, kilisaallu Paamiut atorlugu ilaatigut Qeqeqertarsuup tunuani misissuisimallutik.
Misissuinerit tamakku inerneri, sinerissamilu tamarmit aalisarnermit paasissutissat Pinngortitaleriffiup paasissutissaatigisai ataqatigiissikkaanni biologit sinerissamit tamarmit saarulleqassusianik paasissutissaataat tatiginartupilussuusut, Helle Siegstadip nalilerpaa.
Taanna naapertorlugu misissuinerit ersersitaat tassaavoq saarulleeqqat ukiuni kingullerni ikilisimanerat.
- Saarullittassat taama qaffasitsigitinniaraanni piffissap ilaani saarulleeruteratarsinnaasoq, Helle Siegstad taama oqarpoq.
AAMMA ATUARUK Aalisartut misilittagaat biologit innersuussutaannit pingaarnerupput