Politiit ullormut nalunaarutaat: Biilinik aportoqarneranik ilisimannittussarsiorpugut
Ilulissani biilit ilaat aqqusinikkut ingerlaartillutik aporsimasut, politiinut tallimanngornermut unnuaani pingasunut nalunaarutigineqarpoq.
Biilit apusinermut aportut kisimiipput.
- Atersuit tungaanni Nammaarfimmi pivoq, biilinilu aportuni ilaasut arfiniliunerarneqarput. Ilaasulli taakku aporfimmiit qimaasimapput, Kalaallit Nunaanni politiit pigaartuisa pisortaat Jørgen Madsen oqarpoq.
Taamaammat politiit pisumut tunngatillugu ilisimannittussarsiorput.
Politiit aporfimmut ornigutilertortut
Qanoq pisoqarneranik nalunaarfigineqareerlutik ornigutilertoramik inunnik pisoqarfimmi tamatumalu nalaani naammattuuinatik, politiit pigaartuisa pisortaat ilisimatitsivoq.
- Takussutissanik misissuinitsinni aallaavissaqarpugut, pisumulli tunngatillugu ilisimannittoqarpat taakkua saaffiginneqqunaqaat.
Ilulissani politiit misissuileruttoramik takussutissanik misissuinermi aallaavissat sorpiaanersut oqaatigisinnaanngikkini, politiit pigaartuisa pisortaat oqarpoq.
Pisumut tunngatillugu ilisimasaqaruit politiit 70 14 48-mut sianerfigalugit attavigisinnaavatit.
