Biden USA-mi nunap immikkoortuini pingasuni qinersinerni ajugaavissortoq
Joe Biden demokraatit præsidentinngorniunnissamut sassartitassaannik USA-mi nunap immikkoortuini marlunngornermi qinersinermi maannamut inernerit naapertorlugit ajugaavissortussanngorpasippoq.
Joe Biden USA-mi demokraatit præsidentinngorniunnissamut sassartitassaannik qinersinermi siuaqqagallartoq siuaraluttuarsinnarpoq.
Allattoq Ritzau
marsip 18-at 2020 07:47
Nutserisoq Bikki P. Kleist
Amerikami præsidentimut tullersortaasimasoq, Joe Biden demokratit Floridami, Illinoisimi Arizonamilu qinersineranni qinerneqarnerpaavoq.
Biden tapersersuisunut Twitterikkut pingasunngornerup unnuaani qujassuteqarpoq, isiginnaartoqaranilu oqalugiarami oqarpoq, "unnuk nuannersimasoq".
AAMMA ATUARUK Joe Biden USA-mi demokraatinit piukkunneruneqartoq
Floridami, Illinoisimi Arizonamilu qinersisoqarmat, Joe Biden USA-mi nunap immikkoortuini 19-ini maannamut qinerneqarnerpaalluni ajugaavoq.
Biden Sandersiluunniit novembarimi præsidentimut qinersisoqarnissaanut Trumpimut unammillertussaassaaq.
