Bella Centerimut ataatsimeersuariartut pisungaatsiartariaqartut
Bella Centerimukarniaraanni qimuttuitsut anittarfii Sundbymiittumut imaluunniit Ørestadennimiittumut aatsaat nuisoqarsinnaavoq. Tassanngaanniillu ataatsimiittarfiusumukarniartut namminneerlutik pisuinnartariaqartarput.
Bella Centrimullu iseraanni sillimaniarnermut nakkutilliiviit akulloqqutassat 20-t aqqusaaqqaarneqartariaqarput.
Ataatsimeersuartarfimmut iserniartut akunnerit arfineq-pingasut sinnerlugit utaqqisimasut ulluni kingullerni nalunaarsorneqarput. Tusagassiortorpassuillu 4000-t missaanniikkartut maanna 3000-inut ikilisimapput.
Bella Centrimilu immikkoortortaqarfeeqqat ilaat tusagassiortunut matuneqareersimapput, tusagassiortullu sullivigisaat aamma matuneqarsimavoq, sumiiffinnilu arlalinni sillimaniarnermut atortunik ikkussuisoqarsimalluni.
Ataatsimeersuarnermut atatillugu peqataasut - naalakkersuisunut attuumassuteqanngitsut ippassarli ikilingaatsiarsimammata neriuutigineqarpoq, Bella Centerimi akerliussutsimik takutitsinissat pakkersimaarneqassasut.
Ilanngutassiaq unnugu Qanoruukkut takujuk.