Bangkokimi arfinileriarluni qaartitsisoqartoq
Thailandimi illoqarfiit pingaarnersaanni Bangkokimi tallimanngorneq ullaakkut arfinileriarluni annikitsunik qaartitsisoqarpoq.
Allattoq Ritzau
Qaartitsinerit siulliit illoqarfiup qeqqani tusaaneqarsinnaapput, pingasullu illorsuup naalakkersuisoqarfiup qanittuani tusaaneqarsinnaallutik.
Ulloq taannarpiaq nunarsuup ilaani tassani isumannaallisaaneq pillugu ataatsimeersuarneq Asiap kujataa’kangiani nunat allat pillugit ministerit, Kinap, Ruslandip aamma USAp peqataaffigisaanni Bangkokimi ingerlanneqarpoq.
Qaartitsinerit arlaannaataluunniit illorsuaq ataatsimiiffiusoq qaninnguunngilaat. Nunap ministeriunera Prayuth Chan-ocha Twitterikkut allappoq “eqqissinermik aseruisut nunallu isigineqarneranik innarliisut” sakkortuumik assuaralugit.