MIO: Pisortat suliffeqarfiisa akornanni suleqatigiinnissaraluaq ingerlanngilaq

Meeqqat Illersuisuat Aviâja Egede Lynge, meeqqat sumiginnakkat qanoq iliornikkut sullilluarneqarnerusinnaanersut pillugu naalakkersuisunut borgmesterinullu sapaatip-akunnerata siuliani saqqummiussaqarnermini taama ilaatigut oqarpoq.

Inatsisitigut toqqammavissaqarpugut, Meeqqat Illersuisuat oqarpoq, imatullu nangilluni:

- Akimortumik suleqatigiinnissaq, tassa susassaqarfeqartut assigiinngitsut suleqatigiittannginnerat meeqqamut ajoraluartumik tuttarami, taavalu aaqqiissutissavut ingerlariaqqinngitsoortarlutik, naak pitsaasorujussuarmik inatsiseqalernikuugaluarluta ersarissumik oqartoq susassaqarfiit assigiinngitsut suleqatigiissasut, Meeqqat Illersuisuat Aviâja Egede Lynge taama oqarpoq, imalu itisiliilluni:

- Meeraq atuarfimmi tarnikkut ajornartorsiuteqarpat, taava atuarfimmi oqartoqarsinnaavoq socialeqarfip immaqa aaqqitassarigaa, kisianni atuarfimmi pisuummat socialeqarfik oqassaaq atuarfiup aaqqitassarigaa. Tassa taanna assersuutaannaavoq. Tassa meeraq arlalittut isigalugu pisoqartarmat, meeraq ilivitsoq aallaaviginagu, Meeqqat Illersuisuat Aviâja Egede Lynge taama oqarpoq.

AAMMA ATUARUK Meeqqanut inuusuttunullu katsorsaavik pisariaqartinneqarpoq

AAMMA ATUARUK Meeqqat qaratsamikkut aseruuttoornerusarput