AWG2016 sisoraatinik ujakkaarluni qoorortuuaqqamik nakerneqqusaattartussarsiortoq

Tamakku ilagaat aputikkut ingerlaartilluni maakkarnaveeqqutit atorlugit oqilaniunnerit, basketball, paanerit aamma sisoraatinik ujakkaarluni qoorortuuaqqamik nakerneqqusaannerit.

Unammeriaatsit taakku kalaallinit peqataaffigineqarnissaat Arctic Winter Gamesip pilersaarusiortuinit maanna suliniutigineqaleruttorput.

Sisoraatinik ujakkaarluni qoorortuuaqqamik nakerneqqusaanneq misilinniarlugu Nuummi timersoqatigiiffik, Nuuk Biathlon AWG 2016-ip suleqatigalugu unamminerit qaammatip uuma naalernerani, tassa aprilip 25-aniit 26-at ilanngullugu ingerlatissavaat.

Qoorortuuaqqamik nakernequsaannerit pissapput, Qinngutsinni illoqannginnersami misiliutitut atorneqartussami. AWG-mi pilersaarusiortunit neriuutigineqarpoq, unammeriaatsimik taamaattumik soqutigisaqartut peqataanissaat. Tamassumunngalu peqataassagaanni 16-inik ukioqalereersimanissaq pingaaruteqartoq, AWG-mit nalunaarutigineqarpoq aamma qoorortuuaqqamik nammineq pigisaqarnissaq piumasaqaataasoq nalunaarutigineqarluni.

AWG-milli nalunaarutigneqarpoq, imassaaqqat atugassat AWG-mit isumagineqarumaartut.

Nakerneqqusaannermi peqataasut immikkortunut pingasunut agguarneqassapput. Tassa arnat angutillu ataatsimoorlutik unammisussat, 16-iniik 20-it tikillugit ukiullit. Angutit 20-niik qummut ukiullit taamatullu arnat 20-niik qummut ukiullit.

Peqataaniarluni nalunaarnermi qassinut unamminissat oqaatigineqassapput.

Uunga nalunaartoqassaaq: Akannguaq Lennert, e-mail: akannguaq@hotmail.com