Assi: Bibi Nathansen

AWG pisiniarfinni ulapititsivoq

Timersortarfinni kisimi ulapputtoqanngilaq. Aamma Nuummi niuffattut ulapaarput.

Issittormiut unammiuaartut naggataasersorput, pisullu timersornerinnanatillu piorsarsimassusiinnarmut tunnganngillat. Tassami Nuummi niuffateqaat neriniartarfiillu iggavii pujortuinnaapput. Sisamanngornermi ullaap tungaa Nuuk Centeri inuaqerpalaarpoq.

Pisiniarfimmi Ittu-netimi, Nuuk Centerimiittumi, sulisut ullaarnganiit ulapputtaqaat.

 - Ullaakkut qulinut ammarnitsinniit unnukkut arfineq pingasunut matunissatta tungaanut ulapinnerunerput malugisinnaavarput, Ittu-netimi pisortaq Ane-Marie Hviid oqarpoq.

Aamma atuaruk Nunavummiut tikeraarnertik nuannarilluinnarpaat

Nønnemittaaq Nuummi tikeraartorpassuit malugisinnaavaat, tikeraartullu immikkorluinnaq ittunik pisiniartut maluginiarsimavaat.

- Uani sapaatip akunnerani tunisagut amerlanerunerat malunnarpoq. Pingaartumik Bibi Chemnitzip ilusilersugai tunilluaqaagut. Inuit piinik eqqaanartut suulluunniit nungoraannavippaat, Nønnemi piginnittoq, Morten Nordal oqarpoq.

Issittormiulli unammiuaarnerani niuffanneq ingerlalluartuni kisimiinngillat, inuppassuimmi soorunami nerisussaapput.

Pascuccimiinnaq nerisassanik 567-nik ippassaq annissivugut. Tunisartakkatta marloriaataanit amerlanerupput, Pascuccimik piginnittoq, Krissie Berthelsen Winberg, oqarpoq. Ulapikkaluaqalunilu nuannisarpoq.

- Inoqarnerunera pisiniartartuttalu allanarnerunerat malugiinnanngilarput. Nuummiorpassuarnik aamma isaapput, ilimagaaralu AWG-imi pisut malinnaaffigerujooraat, tamannalu nuannerluinnarpoq. Soorlu Nuuk qungujulaqqilersoq, Krissie Berthelsen Winberg tomatinik akunnerit aqqaneq aappassaa agguineraani naapikkatsigu oqarpoq.

 

 

.

   

Isummersuutit