VIDEO Assani napinikuullugu AWG-mi bronzennattoq
- Nuannersuaarpoq assorujussuaq, ingammik taliga napinikuugakku taava sungiusarpiarsinnaananga, kisianni nuannerpoq ajugaalluni napeqqagaluarluni.
- Sungiusarluta pissikkama taava tuffigigakku napillugu.
Kira Lennert Olsenip Arctic Winter Gamesimut peqataanini nuannaarutigeqaa.
- Nuannertorujussuuvoq, pissutigalugu kammalaatigut soorlu ilagisaratsigit taavalu sungiusaqatigisarlugit, najugaqatigiillutalu. Ilagiinnaavillugit nuannertorujussuuvoq.
- Nunanit allamiut oqaluuttarpagut. Angerlarsimaffitsinni aamma allamioqarami snowboardertartunik. Nuannertorujussuuvoq, qungujulluni sisorartarfimmi oqaluttuarpoq.
Snowboardertartut unammisatillu najugaqatigeerrapput.
Sangusaarluni unamminerni kalaallit arfinilinnik ujaminnaput, Jonas Strømsted juniorini ajugaavoq kuultinnallunilu, Mathias Markilu normu 3-nngortoq.
14-init 16-inillu akornanni ukiulinni Anthon Siegstad sølvinnappoq Kunuunnguaq Davidsenilu bronzennalluni, niviarsiaqqanilu Bella Nielsen sølvinnappoq.
