Assi: Jonas Fievé/KNR

Aviisi: Nunatta aningaasaqarnera ajalusuussaaq

Kalaallit Nunaat aningaasarsiornikkut ukiut pingasut qaangiuppata ajalusuussaaq. Aningaasaqarneq pillugu Siunnersuisoqatigiit siulittaasuat taama siulittuuteqarpoq.

Qulequtaq taanna Danmarkimi aviisip ullormut saqqummersartup Børsenip saqqaani ullumi takuneqarsinnaavoq.

Aningaasaqarneq pillugu Siunnersuisoqatigiit siulittaasuat Torben M. Andersen taama siulittuuteqarpoq.

Nunatsinni aningaasarsiornikkut aaqqissuusseqqinnerit naammaginanngitsuunerat taassuma tikkuartorpaa, aaqqissuusseqqittoqanngippallu innuttaasut nunanut allanut nuutttut amerlassapput, Torben M. Andersen oqarpoq.

- Aaqqissuusseqqinnerit ukiut marluk pingasulluunniit tulliuttut iluanni aallartinneqarsimasariaqarput, taamaaliortoqanngippat ajalusoortoqassaaq. Aaqqissuusseqqittoqalinngippat Kalaallit Nunaanni inuuniutit nalingat, nunani avannarlerni nunanut allanut naleqqiullugit appasinnerussapput, ilinniarluarsimasullu nunanut allanut nuuttut amerliartuinnassapput, Torben M. Andersen oqarpoq.

Nunatta karsia ukioq 2030-mi amigartooruteqassanngippat tungaanut ukiumut 750 millionit koruuninik ileqqaartoqartarnissaa pisariaqassasoq, naatsorsuinerit takutippaat.

Aningaasat aatsitassarsiornermit, aalisarnermit pingaartumillu takornarniartitsisarnermit ilaatigut isertinneqassapput.

Politikkikkulli misilittagakinneq ilaatigut pissutaalluni aningaasarsiornikkut aaqqissuusseqqinnerit amigartut, Sulisitsisut Peqatigiiffiata GE-p pisortaa Brian Buus Pedersen Børsenimut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat