Aviisi: Boris Johnson ataasinngorpat sulileqqissaaq

Tuluit Nunaanni ministeriuneq, Boris Johnson, coronaviruseqareernermi kingorna atorfilittut inigisaminut Downing Streetimut ataasinngorpat utissaaq.

Tuluit Nunaanni aviisit ilaat, The Telegraph, taama allappoq, tamannali ministeriunerup Johnsonip allaffeqarfianit suli uppernarsarneqarani.

Aviisi taanna naapertorlugu Boris Johnsonip siunnersortini ministerit sapaatit akunnerini aggersuni naapinnissaannut pilersaarussioqqusimavai.

AAMMA ATUARUK Boris Johnson napparsimmavimmit angerlartinneqarpoq

55-inik ukiulik, Boris Johnson Londonimi napparsimmavimmut coronaviruseqarluni apriilip ulluisa tallimaanni unippoq. Peruluttut inaannut aqaguani nuunneqarpoq, tassani ulluni pingasuni uninngalluni.

Ministeriunerli coronaviruseqarunnaartutut apriilip ulluisa aqqaneq aappaanni nalunaarutigineqarami angerlarpoq.