Aviisi: Air Greenland aningaasaliiniarluni utaqqiinnarpoq

Air Greenlandini nunatsinni takornariaqarnikkut atugassarititaasut pitsanngorsarniarlugit aningaasaliinissaminut piareersimasoq, pisortaaneq, Michael Højgaard, Børsenimut oqarpoq. 

Suliffeqarfiulli Nuummi Ilulissanilu mittarfiit tallineqarnissaat utaqqimaaqqaartariaqassagaa, pisortaq oqarpoq.

- Mittarfiit piareerpata takornariaqarnikkut aningaasaliinissamut pilersaarutinik piareersimasuuteqarpugut, Michael Højgaard oqarpoq. 

Air Greenlandimi attaveqaateqarnikkut sanaartornikkullu millionilikkaanik aningaasaliinissaminut aamma piareersimavoq. Mittarfiit naammassineqannginneranni akunnittarfinnut illuaqqanut takornarialerisunullu aningaasaliissuteqarnissaq pisariaqassasoq, Kalaallit Nunaanni takornariaqarnikkut siunnersuisoqatiginni siulittaasoq, Kenneth Høegh aviisimut oqarpoq. 

Tamatumunngalu atatillugu Air Greenlandip pisortaata ilalerpaa. Aningaasaliisoqartinnagumi takornariaqarneq ineriartupiloorsinnaanngimmat.