Avataasiortut isumannaallisaavigineqalerput

Kalaallit Nunaanni sulisitsisut peqatigiiffiat GA, KNAPK peqatigalugu Danmarkimi aalisarnermi suliffinni avatangiisinut siunnersuisoqarfik - Fiskeriets Arbejdsmiljøråd i Danmark - isumaqatigiissuteqarfigaat.

Taamaalilluni aalisarnermik inuussutissarsiortunut qarasaasiamik nalilersueriaatsit nutaarluinnaat atorneqarsinnaanngussapput.

Periusissaq nutaaliaq isumaqatigiissutigineqareersorlu maanna kalaallisut, qallunaatut tuluttullu atuarneqarsinnaanngorpoq.

Periusissaq nutaaq atorlugu aalisariutileqatigiit angallatillu APV atorlugu atortorissaarutit ulluinnarni aqunneqarsinnaanngussapput. Ilaatigut angallatit nakorsaataasivii, inuttanut allattorsimaffiit, inatsisit malillugit nakkutilliinerit, kiisalu avataasiortut sulliviini avatangiisini isumannaallisaanermilu pinngitsoorani pikkorissartitsinissat taamaalillutik aqunneqarsinnaanngussapput.

Imarsiornermik Nakkutillisoqarfiup - tassa Søfartsstyrelsip - aalisariutinik nakkutilliinerminni periusissanik nutaaliaasumik pisariitsumillu atuilernissaat aamma naatsorsuutigineqarpoq, Nunatsinni Sulisitsisut kattuffiat GA taama tusagassiutinut nalunaaruteqarpoq.