Paalu Thomsen qulingiluanik ukiulik Felix Larsenilu arfinilinnik ukiulik Naalakkersuisut siulittaasut, Kim Kielsen nikorfaqatigalugu qaartitsinermi siullermi qaartitsisuupput.Assi: Jakob Nukannguaq Geisler

Avannaata Kommuniata qaartitsineq nuannaarutigigaa: Nunatsinnut tamarmut ulloq pingaaruteqarpoq

Borgmesterip Palle Jerimiassenip mittarfik nutaaq 2023-mi atulerpat takornariat amerlanerusut Ilulissanut tikilluaqqusalernissai qilanaaraa.

- Avannaata Kommunianuinnaanngitsoq nunatsinnulli tamarmut ulloq pingaaruteqarpoq!

Ilulissani nunanut allanut mittarfissamut siullermeertumik pingasunngornermi nalunaaqutaq 13.15 qaartitsisoqareersorlu, Avannaata Kommuniani borgmesteri, Palle Jerimiassen (S) KNR-imut oqarpoq.

Qaartitsineq takussutissaannaavoq, Munck Gruppenimmi suliami ilaanik Nuummilu sanaartukkaminik Ilulissanukaassinnginnerani sanaartornermik suliaqarneq apriilertinangu aallartinnavianngilaq.

Pilersaarut naapertorlugu nunatsinni takornariarfiunerpaasartumut mittarfissaq 2023-mi piariissaaq. Mittarfillu nutaaq Ilulissanut takornariaqarnerutitsilissasoq borgmesterip naatsorsuutigaa.

  • Nuummi nunanut allanut mittarfissap sanaartorneqarnera oktobarip 15-ianni aallartinneqarpoq.

 

  • Kalaallit Airportsip Nuummi Ilulissanilu mittarfiit 2023-p naajartornerani pisaarnissaat naatsorsuutigai.

 

  • Qaqortumi mittarfissaq 2023-mut aamma pilersaarutaavoq, aappaagulu sanaartornissamut suliariumannittussarsiuussisoqarnissaa naatsorsuutigineqarpoq.

Taamaammat illoqarfimmi takornarialerisut takornarianut aamma piareersimassasut, borgmesterip oqaatigaa.

- Ineriartornerujussuaqalerumaarnissaa piareersimaffigisariaqarparput. Killiffik pingaarutilerujussuaq inuussutissarsiutinik nutaanik pilersitsiffiusussaq taamalu nunatsinni inuiaqatigiinnut iluaqusiiumaartussaq atuutilerumaarpoq, Palle Jerimiassen oqarpoq.

AAMMA ATUARUK Første sprængning til ny lufthavn i lIulissat i dag

- Nunanit allaneersut ineriartornissami peqataarusullutik aningaasaliissuteqarniarlutik saaffiginnittarput, ilisimaarereertariaqarparpulli ineriartorneq avataaniit aqunneqassanngimmat. Ineriartornissaq uagut nammineq nunatsinniit siuttuuffigissavarput. Taamaammat siunissaq pissangartoq qanilliartorparput, borgmesteri oqarpoq.

Paalu Thomsen qulingiluanik ukiulik Felix Larsenilu arfinilinnik ukiulik Naalakkersuisut siulittaasut, Kim Kielsen nikorfaqatigalugu qaartitsinermi siullermi qaartitsisuupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat