Sakio Fleischer Avannaani borgmesteriulissasoq suli pilersaarutaavoq.Assi: Sakio Fleischer

Avannaata kommuniani suli eqqisiviilliortut: Siumup Naleraq suleqatigiumajunnaarpaa

Avannaata Kommuniani kia borgmesterinngornissaa suli nalornissutaavoq. Siumup Naleraq maanna suleqatigiumajunnaarpaa.

Suleqatigiinnissaq aallartinnaniluunniit atorunnaarsinneqarpoq. Avannaata kommunianimi eqqissiviilliorneq nangippoq.

Avannaata Kommuniani Siumut Naleqqamik suleqatigiinnissamik isumaqatigiissuteqaraluarpoq, taamaalilluni Siumut borgemsteriutitaqalissalluni Nalerarlu borgmesterip tullersortaatut siullertut inissiissalluni.

Sakio Fleischer borgmesterinngussasoq manna tikillugu pilersaarutaavoq.

Siumulli Naleqqamik suleqateqarnini naammaginartinngilaa. Kommunimi partiip anginersaasup arfineq marlunnik qinigaatitaqartup suleqatigisamik Naleqqap ilaasortaatitaanit marluusunit tatigineqarnatik misigaat.

Sangusajaarneq soraarsitsiniarnerlu

Naleqqamit apriilip 30-ani ataatsimeeqatisineqarsimallutik, Siumup gruppiani siulittaasoq Jakob Petersen oqaluttuarpoq.

- Ataatsimeeqatigiinnermi kingullermi Jens Napãtûp ilaatigut saqqummiussuivigaatigut oqarluni, Siumut sangujorartutullusooq ingerlasoq, taamaattumillu isumaqatigiissut atorunnaarseriaannaallugu, gruppip siulitasua KNR-imut oqarpoq.

- Naleraq aamma isumaqarpoq Avannaata Kommuniani kommunaldirektørip soraarsinneqarnissaanik Siumut sulissuteqartoq, Siumut Naleqqamut allakkamini nassuiaavoq.

AAMMA ATUARUK Siumut: Sakio Fleischer skal være borgmester i Avannaata Kommunia

Tamannali ilumuunngitsoq Jakob Petersen erseqqissaavoq.

- Pissutsit taamaattut toqqissisimanarisimanngilagut. Aammalu isumaqatigiissut atsiorneqareersimagaluartoq piffissaq qanittoq allaat tikillugu piumasaqaatinik nutaanik takkuttoqartarluni, taanna oqarpoq.

Tassalu taamaammat Siumup Naleqqamik Avannaata kommuniani suleqateqarnini taamaatippaa.

Napãtôk napparsimalluni sulinngiffeqartoq

Avannaata Kommunalbestyrelseani ilaasortap Naleqqameersup aappaa Jens Napãtõk napparsimalluni Inatsisartuniit aamma Avannani kommunalbestyrelseaniit sulinngiffeqarpoq. Tamanna taassuma ilaqqutanilu eqqissiviilliornerat videoliarineqarsimalluni Facebookikkut siaruatsilertorneqareersoq pivoq. Videomi inuit pingasut inimi ataatsimiittut takussaaapput. Marluk tassaapput Jens Napãtõk inooqataalu. Inooqataa natermiippoq Jens Napãtôrlu ungavaameqqalluni nikorfavoq arnalu sequminniarlugu sioorasaarlugu.

Taanna Siumup isornartorsiutaanut KNR-imiit oqaaseqartinniaraluarparput iluatsinnaguli. 

AAMMA ATUARUK Jens Napãtôk søger om sygeorlov fra Inatsisartut

Naleraq sinnerlugu qinigaasup aappaata Anthon Frederiksenip suleqatigiikkunaarneq paatsuunganartippaa uggoralugulu.

- Uagut suleqatigiinnerup iluani Siumut susoqarneranik assigiinngitsunik unneqqarilluta ilisimatittuartarparput. Taamaattumik aappaatigut tupaallannalaarpoq ippassaq unnukkut naluaaruteqartoqarnera, Anthon Frederiksen oqarpoq.

Jakob Petersenillu partiinik allannik suleqateqarnissamik tallimanngorneq sioqqullugu isumaqatigiissuteqarumaarlutik naatsorsuutigivaa.

Ataaviitsoq ataaseq ataaserlu ilaasortaajunaarsilaq.

Avannaata Kommuniani kommunalbestyrelsinngortussaq inissititerluni Uummannami tallimanngorpat ataatsimiissaaq, Jaakob petersenillu partiimik allamik suleqateqalereersimanissaq naatsorsuutigaa. Siumullumi borgmestereqartitsiinnarumaguni kommunalbestyrelsemi ilaaasortanik allanik suleqateqartariaarpoq.

Siumut kommunalbestyrelsemi 17-inik ilaasortaqartumi arfineq marluni ilasortaqarpoq. Partii tanna qinersinerup kingorna qulingiluanik ilaasortaqaraluarpoq - taava pisorsuaqalerpoq. 

AAMMA ATUARUK Borgmesterinngulersoq hashilerisutut pasineqarluni Nunatta Eqqartuussiviani suliassaasoq

Maannamut borgmesteriusoq Palle Jerimiassen partiimi ilaasortaajunaarpoq partiillu borgmesterissatut aallaqqaammut suaarutigisaa, Minik Høegh-Dam, partiimi ilasortaajunnaartitaavoq.

Taanna hashimik 300 grammimik oqinnerunngitsumik tuniniagassamik tigumiagaqarsimasutut inatsisaatsuliorsimasutut unnerluutigisaavoq. Høegh-Dam Sermersuup Eqqqartuussiviani marsip 25-ani qineqqusaarnerup nalaani pinngitsuutinneqareerluni, Nunatta eqqartuussisuneqarfiani sassartussaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat