Avannaata Kommuniani innuttaasut avinnissamut akuersisut
Avannaata Kommunia siunissami qaninnerusumi avinneqassanersoq ippassaq novermbarip 26-ani taasititsissutigineqarmat, innuttaasunit amerlanerussuteqartunit kommunip avinneqarnissaa kissaatigineqartoq.
Avannaata Kommunia nittartakkamini allappoq.
Siunnerfiliisumik taasititsinermi inernerit Inatsisartunut ingerlateqqinneqassasut, Avannaata Kommuniani borgmesteri Palle Jeremiassen nittartakkami ilaatigut oqarpoq.
- Silamut anorimullu akersuullutik taasiartorsimasunut qujanarujussuaq. Maannakkut najukkatsinni nunamilu tamarmi suleriaqqinnissatsinnut atortussaqalerpugut isumaqangaartunik, Borgmester Palle Jeremiassen oqarpoq.
Innuttaasut taasisinnaasut 37,8 procentii taasiartorput. Taakkunani Qaanaami innuttaasut taasisinnaasuni amerlanerit taasiartortut, Kullorsuarmi taasisinnaasuni ikinnerit taasiartortut.
Avannaata Kommuniani ínnuttaasut taasisinnaasut 7941-ut akornanni 2999-it taasiartortut, Avannaata Kommunia nittartakkamini allappoq.
Taasititsinermi illoqarfinni nunaqarfinnilu inernerusut sukumiinerusumik paasisaqarfigerusukkukkit uunga iserlutit takusinnaavatit.
