DMI-mi ilisimatooq: Avannaarsuani sikup aakkiartornera kinguneqarujussuarsinnaavoq

Immap sikua silap pissusaanut pingaarutilerujussuuvoq. Sikuerukkiartorneranilu seqerngup qingornerisa imaq kissatsikkiartulersarpaa, DMI-mi siku pillugu ilisimatooq Rasmus Tage Tornboe oqarpoq.

- Imaq sikukinnerulerpat kiannerulissaaq. imaq sikoqarnerulerpat, suli isinnerulissaaq. Maannakkorpiarli takuvarput imaq sikuertoq taavanilu kiannerulertoq, Rasmus Tage Tornboe oqarpoq. 

AAMMA ATUARUK Nunatta avannaarsuata sikua silap kiannerunera pissutigalugu aannerusimasoq

Annilaarnartoq

Allanngoriartornerlu annilaarnartuusoq oqaatigaa:

- Isumaqaraluarama, Kalaallit nunaata avannaani immaata sikua kingillersaalluni aasasoq. Aamma issittumi sikup sinnera aakkaluarpalluunniit, taanna oqarpoq.

AAMMA ATUARUK Immap sikua sukkaannaq kujammukaartoq

Issittumi ukioq manna februaarimi pisarnermit kianneruvoq, soorlu aamma aggustimi pisarnermit aamma kiannerusoq. Taamaammat Immap nunatta avannaarsuata sineriaanit avannamut sikua aannerusimavoq.

Avannaarsuani immap sikua sinerissamit taamaasilluni saavippoq, 70-ikkunnili aatsaat taama avannarpartertigaluni. Qaammataasanit assilisat taamanikkulli atugaalermatali aatsaat taama pisoqarpoq.

Rasmus Tage Tornboelu naapertorlugu tamanna immikkuullarissuuvoq:

- Kalaallit Nunaatta avannaani uttortaasalernitsinniilli sikuerneqarneranik naammattuinerput pisuuvoq qaqutigoortoq.

AAMMA ATUARUK Issittup imartaa aatsaat taama sikuunngitsigisoq