KNAPK: Avannaani qaleralinniarneq ajalusooratarsinnaasoq
Qalerallit pisarineqartartut ikiliartungaatsiarput, aaqqiissuteqarnissaalu KNAPK-mit ujartorneqarpoq. KNAPK-p siulittaasua Henrik Sandgreen taama oqarpoq.
Sermitsiami ullumi saqqummersumi tamanna allaaserineqarpoq.
Qalerallit Qeqertarsuup Tunuani, Uummannami Upernavimmilu ukioq manna ukiup affaani siullermi pisarineqartut, siorna piffissap taamaalineranut naleqqiullugit 5.000 tonsinik ikinnerupput.
AAMMA ATUARUK Ulloq kalaallit qaleralinniartarnerannut pingaaruteqartoq
Avannaani qaleralinniarneq allanngorfioqisoq Henrik Sandgreenip oqaatigaa, taamaanneranullu suna pissutaanersoq qularutissaannginnerarpaa:
- Ukiuni kingullerni aalisapiluttoqarnera tamatumunnga pissutaavoq, Henrik Sandgreen Sermitsiamut oqarpoq.
Qaleralinnik aalisapiluttoqarnera biologinit ukiorpassuanngulersuni mianersoqqutigineqarpoq. Qalerallit 19.200 tonsit sinnilaarlugit Avannaani ukioq manna pisassiissutigineqarput
Aalisarnermut piniarnermullu naalakkersuisu killilersugaanngitsumik aalisarnerup isornartorsiorneqarnera ilumuunnginnerarpaa, Sermitsiaq taama allappoq.
AAMMA ATUARUK Qaasuitsumi qassusersorluni qaleralinniarneq sivitsorneqartoq
AAMMA ATUARUK Enoksenip qaleralittassiisarneq allanngortikkusukkaa
AAMMA ATUARUK Qaleralinnik assagiarsunnillu pisassat amerlineqartut