Avammut tunisinerput 2012-imi annertusivoq
Nioqqutissanilli nunanit allaneersunit aamma eqqussuinikinnerusimavugut, tassa 227 millionit koruunit nalinginut pisiakinnerusimagatta. Sipaarniarnerusimanngilavulli, timmisartunilli nutaanik 2012-imi pisisimanerput pissutaaqalluinnarsimavoq.
Tunisat pisiallu oqimaaqatigiinnerat equngagaluaqisoq tassa kusatsiallaqaaq. Tassami 2011-mut sanilliullugu 447 millionit koruuninik pitsanngoriarpoq. Tunisat pisiallu oqimaaqatigiissaarnerisa amigartoorutaanerat - tassa nunamut eqqussuinerup avamullu tunisinerup assigiinngissutai - 2012-imi 2,2 milliardit koruuningajalluinnaapput.
Nioqqutissanik nunanit allaneersunik 5 milliardit koruunit missaasa nalingannut pisisimavugut, taamaallaalli 2,7 milliardit koruunit nalinginut tikisitsisimalluta. Danmarkimit ataatsimoortumik tapiissutit EU-millu akiliutigineqartartut, 3,7 milliardit koruuningajaat, sillimmatigissallugit inuiaqatigiit aningaasaqarniarnerannut pitsaaqataasorujussuussapput.