Avaleraasartoortassiissutigineqartut pillugit akissutissanik Aalisarnermut ataatsimiititaliaq ujartuisoq
Ukioq manna avaleraasartoortassanik agguataarinermi periuseq, tamanut saqqummiunneqarnermini inuiaqatigiinni misigissutsitigut annertuumik aalassatsitsisoq, Aalisarnermut Ataatsimiititaliamit suli misissorneqarpoq.
Taamaakkaluartoq apeqqutinik arlalinnik akissuteqarfigineqanngitsunik, Aalisarnermut Ataatsimiititaliami amerlanerussuteqartut suli amigaateqarput.
AAMMA ATUARUK Avaleraasartoortassanik agguaassineq Transparencyp oqaaseqarfigaa
Naalakkersuisut Siulittaasuannik arlaleriarluni siunnersiuisoqaraluartoq, tamatumalu saniatigut allakkatigut arlalippassuarnik apeqquteqartoqaraluartoq apeqqutit tunngaviusut suli akineqarsinnaasimanngillat.
Apeqqutit agguataarinermi periutsimut atatillugu ataatsimiititaliamit kisimi pinnani inuiaqatigiinnilli tamanit apeqqutigineqartut akissuteqarfiginissaannut, Naalakkersuisut annertunerusumik iliuuseqarsinnaasut iliuuseqarsinnaasariaqartullu, ataatsimiititaliami amerlanerussuteqartut isumaqarput.
AAMMA ATUARUK Ukiormanna avaleraasartoortassat kiisami agguaanneqartut
- Suliap kinguarsarnissaa tamanut ajoqutaaginnassaaq. Taamaattumik suna tamaat saqqummiunneqartariaqarpoq - aamma paasissutissat attuumassuteqartut tamaasa ataatsikkut saqqummiunneqartariaqarlutik, Aalisarnermut Ataatsimiititaliami amerlanerussuteqartunit Naalakkersuisunut kaammattuipput, taamaalilluni suliaq peqqissaartumik sapinngisamillu piaartumik paasinarsisinneqarsaa siunnersuutigalugu, Inatsisartut Aalisarnermut ataatsimiititaliap siulittaasua, Nikolaj Jeremiassen taama oqarpoq.
