Avalak nutaanik siulersuisortaartoq
Siulittaasutut tunuartoq Bjørg Kristensen Pam Stachimit taarserneqarpoq, isumaqatigiinniartartoq Elsennguaq Uiloq Silassen, Marie Annelise Kahligimit taarserneqarluni, aningaaserisoq Jonas Elgaard, Michael S. Bromit taarserneqarpoq, paasissutissiisarnermik ataqatigiissaarisoq Marie-Louise Nuka J. Karlsen, Nivikka Isaksenimit taarneqarluni Avaruna Mathæussenillu fundraiseritut Aviaja Tindbæk Jørgensen taarserpaa.
Tamatuma saniatigut illoqarfinni ilinniartoqarfiusuni sisamani, Københavnimi, Odensemi, Aarhusimi Aalborgimilu, Avalaap immikkoortortaqarfii tamarmik immikkut marlunnik Avalaap siulersuisuini sinniisuutitaqalerput.
Nittartagaq Sermitsiaq.AG naapertorlugu siulersuisuni taarseraanneq annertooq ilaasortat Danmarkimi ilinniakkaminnik naammassisaqarsimanngikkunik naammassilernerinik pissuteqarpoq.
