Australiami takornariat marluk eqalussuarmit saassunneqartut
Tuluit takornariat marluk Australiap kangimut sineriaani Whitsundaysimi takornariarfigineqarluartartumi Airlie Beachip eqqaani eqalussuarmit saassunneqaramik ikilerneqarput.
Australiami nunap immikkoortuani Queenslandimi oqartussat taama paasissutissiisut nutaarsiassaqartitsivik Reuters allappoq.
Angutip 28-nik ukiullip isigaa kiineqarluni kipineqarpoq angullu 22-nik ukiulik nissumigut ikilingaatsiarneqarluni.
Angutit marluk Great Barrier Reefimi imaani anersaartuutinik atortoqarluni marlunngornermi angalaarnerminni eqalussuarmit saassunneqarput.
Angutit marluk qulimiguulik atorlugu Brisbanep illoqarfiisa pingaarnersaanit 950 kilometerimik avammut ungasitsigisumut napparsimmavimmut Mackay Baseliaanneqarput.
Angutit tamarmik perulupput inuunerminnilli navianartorsiunngitsut, annaassiniartartut ilisimatitsissutigaat.
Angutit eqalussuarmit saassunneqarnerminni eqalussuarmut akiuuterujussuarsimallutit oqaatigaat.
Whitsundaysip qeqertaani siorna septembarimit maannamut ikinnerpaamik sisamanik eqalussuaqarpoq. Taakkunannga ataaseq toqusoqarneranik kinguneqarpoq.
/ritzau/
