Australiami panernersuaqarnera pissutaalluni qatigattoorpassuit toqorarneqartussanngortut

Australiap nunap inoqqaavisa aboriginalsit siuttuisa tamanna aalajangeraat, The Australiat ABC-lu ilaatigut taama allaaserisaqartut, ekstrabladet.dk allappoq.

Qatigattuut nujuartat inunnut ulorianartorsiortitsillutik inuit illuannut imigassarsiorlutik isaasalersimanerat innuttaasut naammagittaalliutigaat. Qatigattuut aallaaneqarfissaat Australiap kujasinnerusortaani panernersuaqartumiippoq:

AAMMA ATUARUK Australiami 2019-imi aatsaat taama kiatsigaaq

- Tamaani kiangaatsiarpoq pissutsillu kipiluttunarsillutillu nappaalalerpugut, qatigattuummi ungallut uppisillugit imermik ujarlerlutik illut iluinut isertalerput, tamaani najugallit oqaaseqartitaat The Australianimut oqartoq ekstrabladet.dk allappoq.

Qatigattuunik toqorarneqarnissaat Australiami naalagaaffiup avatangiisit pillugit imermillu pilersuinermut ministereqarfiata suliaraa. Ministereqarfiup aallaaniat toqoraasussanngortippai, qulimiguullillu marluk atorlugit silaannarmiit toqoraasoqassalluni.

Qatigattuunik toqoraaneq pingasunngornermi aallartinneqarpoq ulluni arfinilinnik sivisussuseqassangatinneqarluni.