Australiami januaarimi aatsaat taama kiatsigisoq
Nunatsinni ukiuleruttortoq Australiami 2019-ip qaammataani siullermi aatsaat taama kiatsigivoq.
Allattoq Ritzau
februaarip 01-at 2019 10:02
Nutserisoq Jaaku Lyberth
Kiassutsimik uuttortaanerit 1910 aallartimmatali jannuaarip qaammataani agguaqatigiissilluni 30 gradenik kiattoq uuttorneqarpoq, tuluit nutaarsiassaqartitsiviat, The Guardian allappoq.
Qaammatip ataatsip ingerlanerani agguaqatgiissillugu aatsaat taama kiatsigaluni.
Australiami silasiortut qaammammoortumik silap pissusia pillugu eqikkaanertik tallimanngornermi saqqummersippaat.
Aatsaat taama kiatsiginissaa ilimagineqarsimanngitsutut taaneqarpoq.
Kiannerpaaffiit amerlangaarmata taakku nakkutiginiarneri ajornakusoorput, silasiortoq Andrew Watkins oqarpoq.
Australiap ilarujussuani januaarimi nalinginnaasumik siallertarnerata 20 procentiinnaanik siallerpoq.
/ritzau/
