Augusta Egede ilagiinnut qinigassanngortippoq: Naluara qinigaanerlunga
- Ulloq manna tikippaa suli tusagaqarnata,
Qaqortumi najugalik, Augusta Egede taama oqarpoq. Taanna 1990-ikkunnili ilagiit sinniisaannut ilaasortaavoq, qinersivillu ataatsip iluani taamaallaat qinigassanngortinnikuunani.
Inatsisartunut kommunimullu qinersisoqarnerani, ilagiit sinniisaannut qinigassanngortippoq.
Taannalu suli tusagaqanngilaq.
-Siornatigut qinigassanngortikkaangatta qinersineq naammassigaangat unnukkut, kalerrinneqartarpugut isernerluta, imaluunniit isinnginnerluta, massakkut ullorpaaluit qaangiupput suli tusagaqarnata, Augusta Egede oqarpoq.
Biskop: Neriuppunga qanittumi paasissagaat
Illoqarfimmi tallimaannaallutik ilagiit sinniisaannut qinigassanngortipput. Arfineq marluusussaagaluarput. Augusta Egedep tusarsimagaluarpaa tallimaallutik isersimallutik, kisiannili pisortatigoortumik tamanna tusarnikuunngilaa.
- Nuannissagaluarpoq iluamik paasillugu kikkunuku isertut, qassiunersugullu.
Kikkut qinigaasimanersut suli paasineqanngitsoq nunatta biskoppia Paneeraq Siegstad Munk oqarpoq.
-Kommunimi qinersinermut ataatsimiitsitaliamiit paasitinneqarsimannginnamik kikkut isernersut kikkullu isinnginnersut. Kommunini allaniit takusaqattaarpagut saqqummiunneqartut kikkut isersimanersut, paasivara kujataani suli taamaaliortoqarsimanngitsoq.
Tamanali qinigaasinnaatitaanermut qulakkeerinninnissamik peqquteqarsinnaasoq, taanna erseqqissaavoq:
- Imaappoq, qinigassaasut naammaannarsimappata tallimaallutik , tassa taaku isertutut naatsorsuukallarneqartarput, taava kingusinnerusukkut pappilissat aaqqeriarpata naqqissuserneqassalluni kikkut isivinnersut.
- Tamannalu piaartumik pisinnaassasoq neriuutigineqarpoq.
AAMMA ATUARUK Biskoppi: Ikippallaat ilagiit sinnissaannut qinigassanngortipput
Nogle byer har fået det at vide, men ikke i Sydgrønland forklarer hun.
Det kan have noget at gøre med, at kandidaternes valgbarhed skal sikres, forklarer hun:
- Der er kun fem kandidater, som kan ventes at komme ind, og når papirarbejdet er færdigt, skal valgte kandidater dokumenteres. Jeg håber, det sker snarest.
