Tele-Post: Atuisut naammagittassapput
- Tassa umiarsuit suliaqartussat allanik suliaqarrakkamik, maannakkut ujarlerpugut. Aamma qanimut oqaluuppagut nassaangajalernissarpullu naatsorsuutigivarput, Telepostimi attaveqaqatigiinnermut sulisoq, Paarnaq Hansen taama oqarpoq.
Umiarsuarmillu aaqqissuiartortussamik pissarsisoqarpat sila aamma apeqqutaassasoq erseqqissaatigineqarpoq.
- Neriuutigivarput sapaatit akunnerit pingasut tallimalluunniit akornanni naammattoorsinnaassallugu, kisianni pingaarnerpaavoq umiarsuarmik nassaarsinnaagutta taavalu soorunami sila aalajangiinerpaasussaavoq.
Immap naqqatigut kabeli Nuup kujataatungaaniit 625 kilomiiterinik ungasitsigisumiippoq,
kabelilu kilomiiterinik pingasunik ititigisumiilluni, umiarsuarmiillu kabili nassaarineqaqqaartussaavoq
AAMMA ATUARUK Umiarsuarmik aaqqissuiartortussamik suli nassaanngilavut
- Aalisaaterujussuartut isikkulik immamukartittarpaat taava umiarsuaq kalittarpaa taava imaatigut kabel qaqikkaangamikku kiperiarlugu suliarilertarpaat. Peqqissaarussassarujussuuvoq suliarinera, taamaammat aamma sivisusinnaasarpoq, Paarnaq Hansen taama oqarpoq.
Tamatumalu kingunerisaanik kujataani internettimik atuisut eqqorneqassapput,
Oqarasuaatit, TV, radiokkullu attaviit aamma kipisaqattaarsinnaasut nalunaarutigineqarpoq.
- Sulissutigivarput pitsanngorsarnissaa kisianni atuisut tassa naatsorsuutigissavaat internettip attavia ajullattaassasoq taavalu imaatigut kabeli suliarilerutsigu attaveerutilaartassooq suliarinera peqqutaalluni, Telepostimi attaveqaqatigiinnermut sulisoq, Paarnaq Hansen Bikki P. Kleistimit apersorneqarluni taama oqarpoq.