Nuummi Atuarfik Ukaliusaq Assi: Simon Uldum

Atuartut angajulliit pinngortitami atuartinneqartalilersut

Nuummi meeqqat atuarfiini arfinilinni atuartut, pinngortitaq pillugu atuartitsinermi pinngortitami aasaru atuartinneqassapput.

Pinngortitaq pillugu nunarsuaq tamakkerlugu suliniaqatigiiffik WWF tusagassiuutinut taama nalunaaruteqarpoq.
Suliniuteqarneq taaguuteqartinneqarpoq pinngortitaq takujuk paasiuk, taassuma siunertaraa atuartut angajulliit pinngortitaq pillugu atuartinneqarneranni pinngortitami atuartinneqartarnissaat. 

Pinngortitaq pillugu nunarsuaq tamakkerlugu suliniaqatigiiffik WWF pinngortitami atuartitsisarnissamik aaqqissuisuusoq tusagassiuutinut nalunaarummi allappoq, pinngortitaq pillugu atuartitsinerit pinngortitamut pilluni atuartitsinissaq ajunngitsumik isumaqarluni aaqqiissutaasoq, meeqqat Kalaallit Nunaanniittut nunarsuarmi pinngortitami assissaqanngitsumi avatangiiseqaramik. 

-  Meerarpassuit Nuummi nutaaliaasumik inuuneqartut pinngortitamik aataakkutik aannakkutillu assigalugit misigisaqarsinnaanngillat. 

-  Allatut ittumik nutaamillu atuartitsinikkut atuartut pinngortitap paarilluarneqarnissaata naleqartiginera paasissagaat upperaarput, piujuaannartitsinerlu aallaavigalugu inuuneqarneq paassisagaat,  WWF-imi qullersaq Bo Øksneberg tusagassiuutinut nalunaarummi taama allappoq.

Kalaallit Nunaanni inuiaqatigiinni allanngoriartorfiusumi silallu pissusaata allanngoriartornerata nalaani piffissaq manna pingaaruteqarpoq, Bo Øksnebjerg oqarpoq.

WWF aamma Nuummi meeqqat atuarfii arfinillit pinngortitami atuartitsisarnissat ingerlanneqarnissaannut pilersaaarutit suliarileruttorpaat, pinngortitamilu atuartitsisarnerit illoqarfinni nunaqarfinnilu allani aamma ingerlanneqartalernissaat siunertaavoq.

AAMMA ATUARUK Ny hjemmeside til undervisning i folkeskolen

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!