Atuarfimmiit qimaaguit atuarfik angajoqqaannut oqaatiginnissaaq
Qeqqata Kommuniani najugaqartut angajoqqaat ilisimanngisaannik atuanngitsoortarnerat tamaannga killeqarpoq.
Kommunimi atuarfinni atuartoq napparsimalluni nalunaaruteqarsimanngikkuni imaluunniit allamik pissuteqarluni atuarnerup aallartinnginnerani takkutinngikkuni angajoqqaavi ilisimatinneqartalissapput.
Qeqqata Kommunia naapertorlugu atuarfiit ataasiakkaat atuanngitsoorfiungaatsiarlutillu – iliuuseqarfigineqartariaqarput. Kommuni tassunga suliniummik ”Atuarfimmut ataqqinninneq ataqqeqatigiinnerlu”-mik taallugu pilersitsivoq, tassanilu atuanngitsoortarnerit annikillisinniarneqarnerupput – ilinniartitsisullu sulinngitsoortarnerat aamma ikilisinniarneqarput.
Peqquteqarnani atuanngitsoortarnerit
- Sisimiuni Maniitsumilu atuarfinni atuartut atuanngitsoortartut klassimi procentinngorlugit 14,48 pricentiupput.
- Nunaqarfinni atuarfinni nalunaaruteqarnatik atuanngitsoortartut 37,5 procentiullutik.
- Atuassanngikkaannilu atuarfimmut nalunaaruteqartarnissaq atuarfimmut ataqqinninnerusoq ataqqeqatigiinnerusorlu Qeqqata Kommuniata nalilerpaa, soorlu sulisut sulissanngikkaangamik suliffimminnut nalunaartartut, kommuni tusagassiuutinut nalunaarummi allappoq.
- Tamannalu naapertuilluannginnerussaaq atuartut atuanngitsoornissaminnut nalunaarneq ajorpata. Takkuffissamullu isumaqatigiissutaareersumut takkutinnginnermi, imminut soqutigisasaqatigiinneq imminullu attaveqaqatigiinnermi atuilluartuunerussaaq.
Atuartoq nalunaaruteqarnani atuarianngippat angajoqqaanut nalunaaruteqariaatsit assigiinngitsut soorlu sms-kkut, mailikkut, oqarasuaatikkulluunniit atuarfimmiit atuarfiup allattaanit, ilinniartitsisuniit atuarfiulluunniit pisortaanit nalunaaruteqartoqartassaaq.
