Atuakkiortoq: Internet atorlugu saqqummersitsisoqartalerli
Kelly Berthelsen atuakkianik arfineq-pingasunik saqqummersitsisimasup oqaatigaa.
Kelly Berthelsen assersuutigalugu oqarpoq atuakkiat qarasaasiaq atorlugu saqqummersillugit atuarfinni atorneqartalersinnaasut. Atukkiat atuarfinni atorneqarniarunik atuarfik atuakkiortullu isumaqatigiissuteqarsinnaapput.
Atuakkiortut tusagassiuutinit assigiinngitsunit soorlu qarasaasiatigut saqqummersinneqartartunit unammillerneqarnermikkut, atuakkanik saqqummersitsiniartarnerat tunisaqartarniarnerallu ajornartorsiutaasartoq Kelly Berthelsen oqarpoq.
Qarasaasiakkut saqqummersinneqartussamik atuakkiornissani Kelly Berthelsenip takorloorpaa.
- Atuakkiap suliarilluagaanissaa oqaaseqatigiillu iluarsarnissaat pingaarnerpaapput, atuakkamik atuartussamut soqutinartunngorlugu, Kelly Berthelsen oqarpoq.
Atuakkiortut Peqatigiiffiat Nuummi sapaatip akunnerata naanerani katerisimaarneranni
Namminersorlutik Oqartussat kalaallisut atuakkianut tapiissutigisartagaat ingerlatiinnarneqartut, Kultureqarnermut Naalakkersuisoq Mimi Karlsen oqarpoq.
Ukiormanna aningaasat 250.000 koruunit immikkoortinneqarput, taakkualu sumut atorneqarnissaat, suullu salliutilugit suliniartoqarnissaa pillugit Kalaallit Atuakkiortut sapaatip akunnerata naanerani katerinneranni oqaluuserineqarput.