Atuakkat pisoqqat internettikkut atuarneqarsinnaalerput
Det Kongelige Bibliotekip atuakkanik 1701-ip 1900-llu akornanni saqqummersinneqartunik digitalinngorlugit piniartoqarsinnaaneranik neqerooruteqarnerata kingorna taama isumassarsisoqarpoq. Nunatta Atuagaateqarfiata Ilisimatusarfiullu atuagaateqarfiata danskit atuagaateqarfissuannut saaffiginnipput nunatsinni atuakkiat 1900 sioqqullugu saqqummersut aamma taamaaliornissaat paasiniarlugu. Bolethe Olsen, Ilisimatusarfiup atuagaateqarfiani pisortaq taama oqaluttuarpoq.
Nunatsinni atuakkanik pisuussutitta digitalinngorlugit saqqummersinneqarnerat nunatsinni oqaluttualiamik atuakkiap siulliup, Mathias Storchip atuakkiaa Sinnattugaq, saqqummersinneqarneranit ukiut 100-nngorneranni pissaaq.
Nunatsinni atuakkiat siulliit ilaatigut Rasmus Berthelsenimit, Samuel Kleischmidtimit, Hans aamma Poul Egedemit, Aalut Kangermiumit, Johan Christian Mørchimit kiisalu Lutherillu Katekismusia.
Mathias Storchip manuskriptiliaa nalitooq nunatsinnut utertinneqassaaq
Atuakkiortup ernutaata Kristian Storchip atuagaateqarfik akuerisimavaa Mathias Storchip atuakkiaasa marluk - Sinnattugaq aamm Strejflys over Grønland 1930-meersup - digitalinngorlugit saqqummersinnissaannut.
Atuakkat nunatsinneersut 1900 sioqqullugu saqqummersut allattorsimaffiat suli naammassineqanngilaq, ukiulli ingerlanerani nutarterneqarumaarluni. Maannangaarli atuakkat 130-t nassaarineqarsinnaalereerput.
Atuakkat digitalinngortitikkat uani nassaarineqarsinnaapput: http://www.uni.gl/kl-gl/tikilluarit/atuagaateqarfik.aspx