Attumit Kitsissuarsunnut nipisanniarneq aallartissaaq
Attup kujataanit avannamut Kiatsissuarsuit tungaannut nipisanniarneq sapaatip akunnerata tulliani ataasinngornermi aprilip ulluisa 25-anni aallartissaaq.
Allattoq Inge S. Rasmussen
apriilip 19-at 2016 05:41
Nutserisoq Jaaku Lyberth
Nipisanniarfiusussaq NAFO-p aqutsiveqarfiani 1Ba-mi pissaaq.
Aqutsiveqarfimmi 1Ba-mi nipisat suaat 297 tons pisassiissutigineqarput.
Kalaallit Nunaata kitaani tamarmi aqutsiveqarfinni arfineq marluusuni nipisat suaannik pisassiissutigineqartut tamakkerlutik 1.500 tonsiupput.
Aqutsiveqarfimmi 1Ba-mi nipisat suaannik tunisineq ulloq kingulleq tassaavoq tallimanngorneq junip ulluisa 10-at, pisassiissutigineqartut tamakkerneqarsimappata.
Pisassiissutigineqartut tamakkerlugit aalisarneqanngippata aqutsiveqarfinni allani aalisarneqarsinnaasunngorlugit pineqassapput, Namminersorlutik Oqartussat nittartakkaminni taama nalunaaruteqarput.
Nittartakkami aamma takuneqarsinnnaapput aqutsiveqarfiit immikkoortui killeqarfiilu.
