Atorfini pigiinnassaneraa suli nalunarallarpoq
Aalisartut piniartullu kattuffianni KNAPK-mi pisortap Paaviaaraq Heilmannip Royal Greenlandip siulersuisuisa immikkut ittumik ullumi ullo´qeqqata siornagut nalunaaqutaq aqqanermut ataatsimeersuarneranni siulittaasunngortinneqaruni pisortatut atorfini qimassaneraa suli nalunarallarpoq. Paaviaaraq Heilmann Radioavisimut ippassaq oqarpoq, immikkut ittumik ataatsimeersuartitsisoqareerpat aatsaat oqaaseqarsinnaalluni.
- Royal Greenland tusagassiutinit annertuumik sanmmineqarpoq, taamaattumik ataatsimeersuartoqareerpat aatsaat oqaaseqarusussinnaassaanga. Paaviaaraq Heilmann erseqqissaavoq.
KNAPK-mi pisortaanermi saniatigut Royal Greenlandimi siulersuisuni siulittaasunngoruni suliami apeqquserneqarsinnaanerat Paaviaaraq Heilmannip taamaalilluni oqaaseqarfigiumanngikkallarpaa.
Royal Greenlandimi aappaagumut missingersuutit suliarineqartussanngorput, siulersuisullu tunisinermi akit KNAPK-mut isumaqatigiinniutigineqartussat aqagu oqaluusereratarsinnaallugit.
Paaviaaraq Heilmannip qanga qanorlu Royal Greenlandimi siulersuisuni siulittaasunngornissamut neqeroorfigitissimanerluni aamma oqaaseqarfigiumanngikkallarpai.
