Atorfiit ulorianartorsiortinneqartut
Qaasuitsup Kommuniani atorfiit 2014-mi 50 million koruunit pallillugit sipaarfigineqarsinnaanerat ujartuiffigineqaleruttorpoq.
maajip 27-at 2013 12:23
Tamanna kommuunip aningaasaqarneranut missingersuutit saqqummiunneqarneranni erserpoq.
Atorfiit sipaarniutiginiarneqarput 2013-mut missingersuutit takutimmassuk, ukioq 2013 naappat karsimi aningaasat tigoriaannaat 12 million uninngasuutigineqassasut, naak aningaasanik tigoriaannaateqarnissamut piumasaqaat naapertorlugu 55,9 million koruunit uninngasuutigineqartussaangaluartut.
Kommunip qullersaqarfianit sipaarniuteqarnissamut pilersaarut aningaasaqarnermut ataatsimiisitaliamut juunip ulluisa arfineq aappaanni saqqummiunneqassaaq.
