Atoqatigiinneq pillugu ilinniartitsineq nukittorsarneqartoq
Meeqqat inuusuttullu timimut, suiaassusermut atoqateqartarnermullu tunngasunik qanoq iliornikkut pitsaasumik ilinniartinneqartarnissaat pillugu peqqinnissamik suliaqartut ilinniartitsisullu aggustip qulingiluaanni katersuupput.
Peqqinnissaqarfiup Qaqortumilu Tasersuup Atuarfiata suleqatigiinneratigut pikkorissaaneq ingerlanneqarpoq. Pikkorissaaneq inuusarnikkut meerartaarnissamut piareersaanerup ilagaa, kissaatiginngisamillu naartulertarnerup, nappaatinillu inuusuttut akornanni tuniluuttoqartarnerup pinaveersaartinneranik siunertaqarluni.
Suleqatigiinnerup ilinniartitsineq nukittorsassavaa
Ilinniartitsinermut tunngatillugu peqqinnissaqarfiup atuarfiillu suleqatigiinnerat, peqqissaasut qullersaata Ella Skiftep nuannaarutigaa, pitsaanerusumimmi atuartitsinerup atuartut eqqarsarluarnerusinnaalersissavai aamma kinguaassiutinut tunngatillugu imminnut pitsaanerumik toqqaasinnaalersillugit.
- Kalaallit inuusuttut kinguaassiuutitigut peqqissusaasa inuunerissusaasalu nukittorsarnissaannut suliniarnermi, siunnerfeqartumik piukkunnartumillu atuarfimmi atoqatigiinneq pillugu ilinniartitsineq aqqutissaavoq, Ella Skifte oqarpoq.
Misiliutitut suliniut aggustip ingerlanerani naliliivigineqassaaq, tamatumalu kingorna suliniut nuna tamakerlugu siammarneqarsinnaanissaa isummerfigineqassalluni.