USA: Atomit atorlugit sakkut russit atorniarneraat ilisimaneqanngilaq

Ruslandip atomit atorlugit sakkut Belarusimut inissinnialersaaraluarai atorniarnerai naluarput, USA oqarpoq.
Atomit atorlugit sakkunik russit atuinialersaarnersut ilisimanngilarput, USA-mi illersornissamut ministeeriaqarfik taama ilisimatitsivoq. Taamalu pisoqaratarsinnaanera USA-miit maanna nakkutigineqarpoq. Assi © : Sputnik/Reuters/Ritzau Scanpix
Allattoq Karline Platou
marsip 26-at 2023 12:02

Kialluunniit maanna naluaa, Ruslandip Ukrainemut sorsunnerminut atomit atorlugit sakkut atornialersaarnerai.

USA-mi nunanut allanut ministeeriaqarfik aammalu præsidentip illorsuaniit Det Hvide Husimiit taama ullumi oqartoqarpoq.

- Russit atomit atorlugit sakkunik nunamut sanilerisaminut Belarusimut inissiinialersaarlutik oqaaseqarsimaneranut tunngasumik nalunaarusiaq takuarput, taamaattumillu taamatut pisoqaratarsinnaanera maanna nakkutigeqqissaarparput, USA-miit taama oqartoqarpoq.

Ippassarmi arfininngornermi russit præsidentiat Vladimir Putin nalunaarpoq, pilersaarusiornerminut atatillugu atomit atorlugit sakkut nunamut sanilerisaminut Belarusimut inissinnialersaarini.

Putin aamma oqarpoq, USA-tulli iliorluni tassa nunamut sanilerisaminut iligisaminullu atomit atorlugit sakkunik inissiilluni.

1992-mili nunat sisamat tassaasut siusinnerusukkut Ruslandimi sovjetsiusimasoq, Ukraine, Belarus aammalu Kasakhstan isumaqatigiissutigaat, atomi atorlugu sakkut tamarmik Ruslandimiitinneqassasut.

Taamaattumillu 1996-mili atomi atorlugu sakkunik Belarusimiititsisoqarunnaarpoq.

Aamma atuaruk

Amigartoorutit: Savaaqqat 10.000-inik amerlanerit toqorarneqarpata aningaasaqarnikkut oqimaaqatigiittoqalissaaq

Akisuanerit Festival 15-issaa pissaaq

Pele Broberg Sisimiunut nuuttoq kommunalbestyrelsimilu ilaasortaajunnaarluni