Atomimik sakkussiat atorlugit sorsuttoqarsinnaanera Pave Fransip aarlerigaa
Nunarsuarmi atominik sakkussiat atorlugit sorsuuttoqalersinnaanissaa Pave Fransip ernummatigaa, sorsuttoqarlernissaanummi killissaq tikinneqariaannaasoq oqarpoq.
Allattoq Ritzau
januaarip 16-at 2018 07:51
Nutserisoq Bikki P. Kleist
- Tamanna annilaangassutigeqaara Pave Frans oqarpoq. 81-inik ukiullip aamma uparuarpaa, sumilluunniit ajutuullatsiartoqassagaluarpat suna arlaat aamma aallarniutaasinnaasoq.
Nunarsuup siunertarineqanngitsumik atomit atorlugit eqqugaasinnaanissaa, Pave Fransip ernumassutigaa.
Pave Frans Chilimut Perumullu sapaatip akunnerata ingerlanerani siullerpaamik tikeraassamaartoq tusagassiortunit ataasinngornermi apersorneqarpoq.
/RITZAU/
