Atomi atorlugu innaallagissiorfik Zaporizjzja atorneqaqqilerpoq
Ukrainemiut atomi atorlugu innaallagissiorfiat atorneqaqqilerpoq. Naalagaaffiit Peqatigiit atomip nukinganik atuinermik nakkutilliissitaa, IAEA Twitterikkut ullumi taama allappoq.
Isumannaallisaaneq pillugu innaallagissiorfimmi reaktorit arfinillit qaammatip massuma aallartilaarnerani innaallagialersuiunnaarput.
Reaktorilli nillusaataat innaallagissamik pisariaqartitsimmata aamma aattuunnginnissaq pillugu qamivinneqaratik.
Atomi atorlugu innaallagissiorfimmut Zaporizjzjamut kabilit innaallagissamik pilersuisut sisamaasut ilaat ataaseq iluarsartuunneqarsimasoq, IAEA nalunaarpoq.
Aamarsuit atorlugit innaallagissisorfiup pilersornerani kabilit sisamat reaktorimeersut, sorsunnermi qaartartumeerneqarlutik tamarmik ajoquteqalersimapput.
Ukrainemi atomi atorlugu innaallagissiorfik Europami annerpaajusoq, kikkunnit qaartartumeerneqarsimanersoq Ukrainemiunit russsinillu assortuussutigineqarpoq.
Atomi atorlugu innaallagissiorfissuaq russinit martsimili tiguarneqarpoq maannamullu suli taakkunannga akisussaaffigineqarluni, innaallagissiorfimmili sulisut tamarmik Ukrainemiullutik.
Innaallagissiorfissuaq pillugu aaqqiangiinnginnerit qaammatini kingullerni arlalinni pisimavoq, tamannalu pillugu Ukrainemiut præsidentiata, Volodymyr Zelenskyj-p nunarsuatsinni aatsaat taama annertutigisumik ajunaarnersuaqarsinnaanera aalleqqutigalugu oqaatigisarpaa.
