Atlantikup avannaamiut Danmarkimi qinersinermi siornatigut aalajangiisuusartut

Ukiut 21-t matuma siorna Folketingimut qinersisoqarmat tamanna Savalimmiunit qinigaasumit aalajangiiffigineqarpoq. Atlantikup avannaanit Folketingimut qinikkat sisamaasut tamarmik qinigassanngorteqqipput.
Assi © : Simon Uldum
Allattoq Ritzau
juunip 05-at 2019 15:04
Nutserisoq Simon Uldum

Folketingimut ilaasortanit 179-iusunit sisamat nunatsinni Savalimmiunilu qinerneqassapput.

* Atlantikup avannaani qinikkat 1998-imi Folketingimut qinersisoqarmat aalajangiisuupput. Savalimmiormiut lagmandiannit talerperliusumit Edmund Joensenimit 176-iinnarnik amerlanerusunik taaguunneqarluni socialdemokraatit partiiaannit Sambandspartiimeersoq Jóannes Eidesgaard qinigaavoq aalajangiisuusussanngorlunilu.

AAMMA ATUARUK Folketingimut 2015-imi qinersinerup kingorna nunatsinnut aalajangersagarpassuit akuersissutigineqarput

* Ministeriunerummi Poul Nyrup Rasmussenip (S) qinikkanik tunuliaqutigisassami 90-issaat taamaalilluni pissariaraa Venstrellu siuttua Uffe Ellemann-Jensen ajorsartillugu.

* Atlantikup avannaanit qinikkanit sisamaasunit savalimmiormiup Sjúrdur Skaalep Socialdemokraatit siulittaasuat Mette Frederiksen ministeriunertut tapersersorniarlugu siumoorluni nalunaarutigereerpaa. Nunatsinnilu Siumup qinigassanngortitaat aamma taamaaliorput. Atassummeersut Lars Løkke ministeriunertut tapersersorniarlugu aamma nalunaarutigereerpaat.

AAMMA ATUARUK Assiliartalersugaq: Folketingimut ilaasortat nunatsinneersut suliarisartagaat

* Qinigassanngortittullu sinnerisa ministeriunertut sassartoq nunatsinni Savalimmiunilu pitsaanerpaanik atugassaqartitserusuttoq tapersersorumavaat.

* Savalimmiuni misissueqqissaarfiup Spyr.fo-p maajip qaammataani qinersisartunik isumasiuinera naapertorlugu, talerperliit partiiat Sambandspartiet, Venstremik suleqateqartoq, Avissaarniaqatigiit partiiat  Tjóðveldi, namminiilivinnissamik anguniaqartoq, Socialdemokraatillu naligiittupilussuupput. Aammattaaq konservativit partiiat Folkeflokken periarfissaqartutut taaneqarpoq.

Atlantikup avannaanit Folketingimut qinikkat sisamaasut tamarmik qinigassanngorteqqipput.

AAMMA ATUARUK Kina qinissanerlugu nalornivit? Qinigassanngortittut uani takusinnaavatit

* NUNATSINNI: Aaja Chemnitz Larsen Inuit Ataqatigiinneersoq aamma Aleqa Hammond Nunatta Qitornaanersoq qinigassanngorteqqipput.

Aleqa Hammond Siumut sinnerlugu 2015-imi Folketingimut qinigaavoq, kreditkortili Folketingimit atugassanngortinneqartoq atorlugu imminut pisiortorsimanini pissutigalugu partiimit kingorna ilaasortaajunnaarsitaavoq.

Attaviitsooqqaariarluni Aleqa Hammond 2018-imi Nunatta Qitornaanut ilaasortanngorpoq.

Aleqa Hammondip partii Venstre qinigaaffimmi qaangiuttumi isumaqatigiissuteqarfigaa. Venstrellu ikinnerussuteqaleriartaarsinnaanera taamaalilluni pinngitsoortillugu. Taarsiullugu Folketingip Kalaallit Nunaannut tunngasunut ataatsimiititaliaanut siulittaasunngortinneqarpoq.

Issittumut ministereqalernissaa Inuit Ataqatigiit piumasaqaatiginiarpaat, taannalu nunatsinneersumik inuttalerneqassasoq aamma piumasaqaatigalugu.

* SAVALIMMIUNI: Sjúrdur Skaale Javnaðarflokkurinimeersoq Socialdemokraatinillu suleqateqartoq aamma Magni Arge avissaarniaqatigiit partiiannit Tjóðveldimeersoq Folketingimut ilaasortaapput.

Høgni Hoydal 2015-imi qinersinerup kinguninngua Magni Argemit paarlaanneqarpoq, Hoydal Savalimmiuni Lagtingimut ilaasortaajutigaluni Folketingimut ilaasortaanissani kissaatiginngimmagu.

Najoqqutarisat: Folketingetip nittartagaa, Spyr.fo, Ritzau.