Athenip eqqaaani orpippassuit ikuallannerat annertusiartorpoq

Grækenlandip illoqarfiisa pingaarnersaata Athenip qanittuani orpipassuit ikuallanerat sakkortuumik anorlineratigut annertusiartorpoq.

Allattoq Jaaku Lyberth

aggustip 23-at 2009 17:07

Athen illoqarfiata ilaani illut najugaqarfigineqartut ikuallallutik aallartipput.

Griikerit tuusintiit sinnerlugit amerlassuseqartoq peqquneqarput najugaqarfigisatik qimassagaat, taakkunannga ilaallutik illoqarfimmi Agios Stefanosimi innutaasut 10.000-iusut. Illoqarfik taanna Athenip avannaani 23 kilometerinik avannarpasinnerusumiippoq.

Qatserisartut 600ingajaat inneq ikuallaffiusumiittoq qaminniarsaraat, anorlernerujussuali pissutaalluni qamitsiniarnerat ilungersunartorsiorfiulluni.

Orpipassuit ikuallannerat Athenip illoqarfiata qeqqanit takuneqarsinnaavoq. Grækenlandimi orpippassuit annertuumik ikuallannerat kingulleq pivoq ukiut marluk matuma siornatigut ukioq 2007-imi. Taamanikkut inuit 65 it ajunaarput, ikuallannersuarlu ullunik qulinik sivisussuseqarluni.

Athenip eqqaani sapaatip akunnerata naanerani ikuallattoqarnerani ajoqusertoqarsimaneranik nalunaaruteqartoqanngilaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.