Atassut uterpoq
Atassut Kommuneqarfik Sermersuumi ataatsimik ilaasortaatitaqaqqilerpoq. Kingullermik kommunimut qinersisoqarmat Emilie Olsen, Atassut sinnerlugu kisimiilluni iserpoq. Taanna kingusinnerusukkut Siumumut nuummat partii kommunalbestyrelsimi ilaasortaatitaqarunnaarpoq.
Allattoq Louise M. Kleemann
septembarip 28-at 2011 13:27
Emilie Olsen oktobarip aallaqqaataa aallarnerfigalugu kommunalbestyrelsimi sulinerminit tunuarallarniarluni qinnuteqarpoq, Sisimiunut nuuttussaanini pissutigalugu.
Inatsisit naapertorlugit kingoraartissaa tassaassaaq qinersinermi partiimit tunuliaqutigineqartumeersoq, tassalu Atassut.
Taamaasilluni Thomas Kristiansen, Tasiilameersoq Atassut sinnerlugu kommunalbestyrelsemut ilaasortanngorsinnaangorpoq.
Taassuma saniatigut siornatigut Inatsisartuni ilaasortaq, Vittus Mikaelsen, Doris Jakobsen paarlallugu sinniisussatut siullertut kommunalbestyrelsimi ilaasortanngussaaq.
Kommunalbestyrelsip ataatsimiinnissaani tullermi, oktobarip sisamaani pisussami Doris Jakobsen taarserlugu borgmesterip tulliata aappaanik aamma toqqaasoqassaaq.
