Atassut: Naalakkersuisuni ilaasortat suneqassappat?

Naalakkersuisuni ilaasortat Jørgen Wæver Johansen aamma Johan Lund Olsen Royal Greenladimi pisuni illersorneqarsinnaangitsumik ingerlatsinerat pillugu naalakkersuisut siulittaasuat Hans Enoksen qanoq iliuuseqarniarnerminik erseqqissumik nalunaaruteqartariaqalersoq Atassutip ammasumik allagaqarlutik piumasaqarput.

Jørgen Wæver Johansen aamma Johan Lund Olsen Royal Greenlandimi siulersuisoqarneq pillugu Inatsisartunut eqqunngitsumik paasissutissiisimasut Atassutikut allapput.

Royal Greenlandip namminersortunngorsarneqarnissaa pillugu pilarsaarusiornermi Royal Greenlandimi aqutsisut piginnaatitaaffimminnik qaangiinerarlugit Naalakkersuisuni ilaasortat taakku oqartut Atassummit oqaatigineqarpoq. Jørgen Wæver Johanseni Johan Lund Olsen-ilu Inatsisartunut tallimanngormat siuliani paasissutissiinerat matoqqasumik ingerlanneqarpoq

Naalakkersuisut aalisarneq pillugu nassuiaataat tunngavigalugu Royal Greenlandimik aqutsisut piginnaatitaanerminnik qaangiisimanngitsut Atassutikkut allapput.