Atassut: IA aamma Siumut Danmarkimut pituttorput

Inuit Ataqatigiit Siumullu Issittumi Sakkutooqarfiup Narsarsarsuarmut inissinneqarnissaanik tapersersuinerat nunatta naalagaaffeqatigiinnermit avissaarnissaanik partiit taakku marluk anguniagaqarnerannut naapertuutinngitsoq, Atassumi ilaasortaq Steen Lynge isumaqarpoq.
Allattoq Apollo Jeremiassen
juunip 20-at 2011 06:03

- Taamatut tapersersuinermikkut Nunatta Danmarkillu naalagaaffeqatigiinnerat aserujaallisarpaat. Tamannalu isumaannut oqartarnerannullu assortuuppoq, tassami partiit taakku piumasarivaat sukkanerpaamik Danmark naalagaaffeqatigiunnaartariaqaripput namminiilivillutalu, Steen Lynge oqarpoq.


- Partiit taakku marluullutik Nunatta Danmarkimut pituttorsimanissaa kissaatigalugulusooq isummerput illuanilli qineqqusaarnerni Danmarkimiit aninissarput qineqqusaarutigisarlugu, Steen Lynge ilaatigut taama aamma allappoq, nangillunilu allalluni taama isummersornerisa kingunerigaa inuiaqatigiit akornanni nalornilerneq toqqissisimannginnerlu.

Naalagaaffeqatigiinneq eqqarsaatigalugu, partiit taakku marluk maanna ersarissumik isummertariaqarlertut Steen Lynge i sumaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq